REMATCH DAW ni Danielle May Montes

    Maraming Pilipino at kahit mga propesyunal na galing sa ibang bansa ay salungat sa desisyon ng dalawang hurado sa laban nina Pacquiao at Bradley. Sa labang ito si Bradley ang pinanigan ng hurado at dahil dito naagaw niya ang titulo ni Manny.
     Sa una pa lamang ay mahihinuha na  na mas maayos ang paglaban ni Pacquiao at ilang beses din niyang natamaan ng malalakas na suntok si Bradley. May mga pagkakataon na napapayakap na si Bradley kay Pacquiao dahil sa mga suntok na ibinabato sa kanya. Napapaatras na rin si Bradley at napapadikit sa sulok ng boxing ring dahil sa sunud-sunod na suntok ni Manny. Ngunit dahil sa split decision at lumabas na si Bradley ang panalo, nagulat dito ang buong mundo. Marami ding nagbigay ng komento ukol dito na dapat si Pacquiao ang nanalo.
     Dahil dito, humihingi ng rematch ang mga tao para kay Pacquiao. Ngunit sa kabila nito, hindi pa rin nakalimutan ng ating pambansang kamao na magpasamat sa Diyos kaya siya pa rin ang tunay na panalo sa paningin ng tao.